ⲯ﹍︿﹍︿﹍ الکمونیا ﹍ⲯ﹍ⲯ﹍︿﹍☼

فتنوں کے آگے بند دروازہ ہے

💖💘💞 درسِ حدیث 💞💘💖

صحیح مسلم حدیث نمبر: 7268

کتاب: فتنے اور علامات ِقیامت

فتنوں کے آگے بند دروازہ ہے

عَنْ حُذَيْفَةَ قَالَ كُنَّا عِنْدَ عُمَرَ فَقَالَ أَيُّكُمْ يَحْفَظُ حَدِيثَ رَسُولِ اللَّهِ صَلَّى اللَّهُ عَلَيْهِ وَسَلَّمَ فِي الْفِتْنَةِ كَمَا قَالَ قَالَ فَقُلْتُ أَنَا قَالَ إِنَّكَ لَجَرِيءٌ وَكَيْفَ قَالَ قَالَ قُلْتُ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ فِتْنَةُ الرَّجُلِ فِي أَهْلِهِ وَمَالِهِ وَنَفْسِهِ وَوَلَدِهِ وَجَارِهِ يُكَفِّرُهَا الصِّيَامُ وَالصَّلَاةُ وَالصَّدَقَةُ وَالْأَمْرُ بِالْمَعْرُوفِ وَالنَّهْيُ عَنْ الْمُنْكَرِ فَقَالَ عُمَرُ لَيْسَ هَذَا أُرِيدُ إِنَّمَا أُرِيدُ الَّتِي تَمُوجُ كَمَوْجِ الْبَحْرِ قَالَ فَقُلْتُ مَا لَكَ وَلَهَا يَا أَمِيرَ الْمُؤْمِنِينَ إِنَّ بَيْنَكَ وَبَيْنَهَا بَابًا مُغْلَقًا قَالَ أَفَيُكْسَرُ الْبَابُ أَمْ يُفْتَحُ قَالَ قُلْتُ لَا بَلْ يُكْسَرُ قَالَ ذَلِكَ أَحْرَى أَنْ لَا يُغْلَقَ أَبَدًا قَالَ فَقُلْنَا لِحُذَيْفَةَ هَلْ كَانَ عُمَرُ يَعْلَمُ مَنْ الْبَابُ قَالَ نَعَمْ كَمَا يَعْلَمُ أَنَّ دُونَ غَدٍ اللَّيْلَةَ إِنِّي حَدَّثْتُهُ حَدِيثًا لَيْسَ بِالْأَغَالِيطِ قَالَ فَهِبْنَا أَنْ نَسْأَلَ حُذَيْفَةَ مَنْ الْبَابُ فَقُلْنَا لِمَسْرُوقٍ سَلْهُ فَسَأَلَهُ فَقَالَ عُمَرُ

ترجمہ :حضرت حذیفہ رضی اللہ تعالیٰ عنہ نے کہا

: ہم حضرت عمر رضی اللہ تعالیٰ عنہ کے پاس بیٹھے ہوئے تھے کہ انھوں نے کہا: فتنے کے متعلق رسول اللہ صلی اللہ علیہ وسلم کا ارشاد جس طرح آپ نے خود فرمایا تھا تم میں سے کسی کو یاد ہے؟( حضرت حذیفہ رضی اللہ تعالیٰ عنہ نے) کہا: میں نے عرض کی: مجھے ۔(حضرت عمر رضی اللہ تعالیٰ عنہ نے)کہا: تم بہت جرات مند ہو۔ (یہ بتاؤ کہ)آپ صلی اللہ علیہ وسلم نے کس طرح ارشاد فرمایاتھا؟میں نے کہا: میں نے رسول اللہ صلی اللہ علیہ وسلم سے سنا تھا آپ فرما رہے تھے۔انسان اپنے گھروالوں اپنےمال اپنی جان اور اپنے ہمسائے کے بارے میں جس فتنے میں مبتلا ہوتاہے تو روزہ نماز ،صدقہ ،نیکی کا حکم کرنا اور برائی سے منع کرنا اس کا کفارہ بن جاتے ہیں ۔تو حضرت عمر رضی اللہ تعالیٰ عنہ نے کہا: میری مراد اس سے نہیں میری مراد تواس(فتنے)سے ہے جو سمندر کی موجوں کی طرح امڈکرآتا ہے۔

حضرت حذیفہ رضی اللہ تعالیٰ عنہ نے کہا: امیر المؤمنین!آپ کو اس فتنے سے کیا(خطرہ)ہے؟آپ کے اور اس فتنے کے درمیان ایک بنددروازہ ہے۔انھوں نے کہا:وہ دروازہ توڑاجائے گا یا کھولا جا ئے گا؟کہا: میں نے جواب دیا نہیں بلکہ توڑاجائےگا۔(حضرت عمر رضی اللہ تعالیٰ عنہ نے) کہا: پھر اس بات کی زیادہ توقع ہے کہ وہ (دروازہ دوبارہ) کبھی بند نہیں کیا جا سکے گا۔(شقیق نے )کہا: ہم نے حضرت حذیفہ رضی اللہ تعالیٰ عنہ سے پوچھا کیا حضرت عمر رضی اللہ تعالیٰ عنہ جانتے تھے کہ دروازہ کون ہے؟انھوں نے کہا: ہاں اسی طرح جیسے وہ یہ بات جانتے تھے کہ صبح کے بعد رات ہے میں نے ان کو ایک حدیث بیان کی تھی وہ کوئی اٹکل بچو بات نہ تھی ۔کہا: پھر ہم اس بات سے ڈرگئے کہ حضرت حذیفہ رضی اللہ تعالیٰ عنہ سے پوچھیں وہ دروازہ کون تھا؟ ہم نے مسروق سے کہا: آپ ان (حضرت حذیفہ رضی اللہ تعالیٰ عنہ ) سے پوچھیں انھوں نے پوچھا تو(حضرت حذیفہ رضی اللہ تعالیٰ عنہ نے) کہا: (وہ دروازہ)حضرت عمر رضی اللہ تعالیٰ عنہ (تھے)

لائک کریں اور سبسکرائب کریں اور اپنے احباب کو بھی دعوت دیں، بٹن دباکے۔

https://alkamunia.blogspot.com

جب تم اللہ کے راستے میں سفر کرو

╏╠═🕌═[𝍖🕋𝍖 درسِ قرآن 𝍖🕋𝍖] 🌹 🌹  🌹

سورہ النسآء آیت نمبر 94

بِسۡمِ اللّٰہِ الرَّحۡمٰنِ الرَّحِیۡمِ

*شروع اللہ کے نام سے جو سب پر مہربان ہے، بہت مہربان ہے*

یٰۤاَیُّہَا الَّذِیۡنَ اٰمَنُوۡۤا اِذَا ضَرَبۡتُمۡ فِیۡ سَبِیۡلِ اللّٰہِ فَتَبَیَّنُوۡا وَ لَا تَقُوۡلُوۡا لِمَنۡ اَلۡقٰۤی اِلَیۡکُمُ السَّلٰمَ لَسۡتَ مُؤۡمِنًا ۚ تَبۡتَغُوۡنَ عَرَضَ الۡحَیٰوۃِ الدُّنۡیَا ۫ فَعِنۡدَ اللّٰہِ مَغَانِمُ کَثِیۡرَۃٌ ؕ کَذٰلِکَ کُنۡتُمۡ مِّنۡ قَبۡلُ فَمَنَّ اللّٰہُ عَلَیۡکُمۡ فَتَبَیَّنُوۡا ؕ اِنَّ اللّٰہَ کَانَ بِمَا تَعۡمَلُوۡنَ خَبِیۡرًا ﴿۹۴﴾

ترجمہ:

ٍاے ایمان والو ! جب تم اللہ کے راستے میں سفر کرو تو تحقیق سے کام لیا کرو، اور جو شخص تم کو سلام کرے تو دنیوی زندگی کا سامان حاصل کرنے کی خواہش میں اس کو یہ نہ کہو کہ : تم مومن نہیں ہو۔ (٥٩) کیونکہ اللہ کے پاس مال غنیمت کے بڑے ذخیرے ہیں۔ تم بھی تو پہلے ایسے ہی تھے۔ پھر اللہ نے تم پر فضل کیا۔ (٦٠) لہذا تحقیق سے کام لو، بیشک جو کچھ تم کرتے ہو اللہ اس سب سے پوری طرح باخبر ہے۔

تفسیر:

59: اللہ کے راستے میں سفر کرنے سے مراد جہاد کے لئے سفر کرنا ہے، ایک واقعہ ایسا پیش آیا تھا کہ ایک جہاد کے دوران کچھ غیر مسلموں نے اپنے مسلمان ہونے کا اعلان کرنے کے لئے صحابہ کرام کو سلام کیا، وہ صحابہ یہ سمجھے کہ ان لوگوں نے صرف اپنی جان بچانے کے لئے سلام کیا ہے اور حقیقت میں وہ مسلمان نہیں ہوئے، چنانچہ انہوں نے ایسے لوگوں کو قتل کردیا، اس پر یہ آیت نازل ہوئی جس میں یہ اصول بیان کردیا گیا کہ اگر کوئی شخص ہمارے سامنے اسلام لائے اور اسلام کے تمام ضروری عقائد کا اقرار کرلے تو ہم اسے مسلمان ہی سمجھیں گے اور اس کے دل کا حال اللہ پر چھوڑیں گے، لیکن یہ سمجھ لینا چاہیے کہ آیت کا مطلب یہ ہرگز نہیں ہے کہ اگر کوئی شخص کھلے کھلے کفریہ عقائد رکھتا ہو تو صرف السلام علیکم کہہ دینے کی بنا پر اسے مسلمان سمجھا جائے گا۔ 60: شروع میں تم بھی غیر مسلم ہی تھے، اللہ تعالیٰ نے فضل فرمایا اور تم مسلمان ہوئے، مگر تمہارے زبانی اقرار کے سوا تمہارے سچا مسلمان ہونے کی کوئی دلیل نہیں تھی، تمہارے ظاہری اقرار ہی کی بنا پر تمہیں مسلمان مانا گیا۔

آسان ترجمۂ قرآن مفتی محمد تقی عثمانی

لائک کریں اور سبسکرائب کریں اور اپنے احباب کو بھی دعوت دیں، بٹن دباکے۔

https://alkamunia.blogspot.com

رزق کے دروازے 12

رزق کے دروازے 11

رزق کے دروازے 10

کیا ہم نے تیرا سینہ نہیں کھول دیا

والدین متوجہ ہوں🧐

اگر ماں نے بچوں کی بلوغت کے فوراﹰ بعد شادی کو رواج نہ دیا،

اگر بیوی نے دوسری، تیسری اور چوتھی شادی کو لعنت سمجھنے کے کفر سے توبه نہ کی،

اگر مرد نے مطلقہ خواتین اور بیواﺅں کی فوری اور آسان شادیوں کا بندوبست نہ کیا،

اگر ہم نے نکاح کو کاروبار کے بجائے فرض کا درجہ نہ دیا،

اور جتنا کہ نہا دھو کر مسجد میں جا کے جمعہ پڑھنا آسان ہے، اسے بھی اتنا ہی آسان نہ بنایا،

اگر ہم نے زنا کی طرف جانے والے راستوں کا سدباب نہ کیا، اور اسے موجودہ حالات میں اتنا ہی مشکل نہ بنایا جتنا کہ دوسری شادی مشکل ہے،

تو بیٹے ریپ کے مجرم بنتے رہینگے، جبکہ بغیر اجازت دوسری شادی والے سلاخوں کے پیچھے ہونگے۔!!!

تو گھروں میں بیٹیوں کیلیئے رشتوں کی بجائے دوستی کے پیغام آیا کرینگے۔!!!

تو بیٹیاں پھولوں سے سجی گاڑی میں حجلہ عروسی کی بجائے تاریک شیشوں والی کار میں ڈیٹ پر جایا کرینگی۔!!!

تو بیٹے شادیوں کی بجائے افیئرز اور بیویوں کی بجائے گرل فرینڈز رکھا کرینگے۔!!!

تو شوہر اپنے دفتروں میں معاشقے چلاتے رہینگے۔!!!

اور نیو ایئر نائٹ، ویلنٹائین ڈے، ہیلوئین اور چاند رات جیسے تہوار جنسی ہوس کی تسکین کی علامات بنے رہینگے۔!!!

واللّٰہ یہ آگ ہر اس گھر میں پہنچے گی جو دین فطرت کے اٹل قانون سے منہ موڑے گا اور وہ وقت آ کر رہے گا جب اس "مقدس" سرزمین پر بھی ولدیت کے خانے میں لکھا نام مشکوک ہو جائے گا۔

رزق کے دروازے 9

رزق کے دروازے 8

لیموں قدرت کا انمول تحفہ ہے

لیموں قدرت کا انمول تحفہ ہے اور اس کا پانی کسی بھی طرح شفا سے خالی نہیں۔ اگر اسے زندگی بھرکا معمول بنالیا جائے تو نہ صرف صحت بہتر رہتی ہے بلکہ کئی امراض سے بھی بچاؤ ممکن ہے۔ یہ وٹامن سی، اینٹی آکسیڈنٹس، اور دیگر اجزا سے بھرپور ہوتا ہے۔

ڈاکٹروں کے مطابق لیموں پانی میں شہد کی معمولی مقدار شامل کرکے طبی فوائد کو دوچند کیا جاسکتا ہے۔ اسی طرح ماہرین اسے نہار منہ پینے کا مشورہ بھی دیتے ہیں۔ اس کم خرچ اور شفا بخش مشروب کے چند اہم فوائد یہ ہیں:

پانی کی کمی دورکرے

یہ ہائیڈریشن بڑھان کے ایک شاندار نسخہ ہے۔ لیموں پانی فوری پیاس بجھاتا ہے اور سیر ہونے کا احساس دلاتا ہے۔ ہم جانتے ہیں پانی کی بھرپور مقدار اور ہائیڈریشن سے جلد تروتازہ رہتی ہے اور نظامِ ہاضمہ بھی درست ہوجاتا ہے۔

وٹامن سی کا خزانہ

لیموں اینٹی آکسیڈنٹس اور وٹامن سی سے بھرپور ہے جو بدن کے قدرتی دفاعی نظام کو بہتر بناتا ہے۔ زخم بھرنے میں مدد دیتا ہے، نئے کولاجِن بنا کرجلدی خلیات کی افزائش میں تیزی لاتا ہے۔ اینٹی آکسیڈنٹس کی بدولت خلوی سطح کی مرمت ممکن ہوجاتی ہے اور کینسر کے خطرات بھی کم ہوتےہیں۔ لیکن ہم جاتے ہیں کہ وٹامن سی جلد اور چہرے کی خوبصورتی میں غیرمعمولی کردار ادا کرتا ہے۔

ہاضمے میں مفید

لیموں پانی آنتوں میں جاکرہاضماتی رطوبتیں بڑھاتا ہے۔ اس سے غذا کو ہضم کرنے میں مدد ملتی ہے۔ اگر صبح کے وقت نیم گرم پانی میں لیموں کا رس ملاکر پیا جائے تو پورا دن نظامِ ہاضمہ درست رہتا ہے۔

وزن میں کمی

یہ جادوئی مشروب آپ کو پیٹ بھرے کا احساس دلاتا ہے، بھوک کو دباتا ہے اور فائبر کی وجہ سے غذا کو جزوبدن بناتا ہے۔ لیموں میں سٹرک ایسڈ کی وسیع مقدار موجود ہوتی ہے جو ہاضمہ بڑھاتی ہے اور وزن کو قابو میں رکھتی ہے۔

دل کا دوست

لیموں پانی کئی طرح سے دل کے لیے انتہائی مفید ہے۔ اس میں موجود پوٹاشیئم بلڈ پریشر کم کرتا ہے اور اینٹی آکسیڈنٹس رگوں اور شریانوں کو بہت اچھی حالت میں رکھتے ہیں۔ اس طرح لیموں پانی سے مجموعی طور پر دل کو فائدہ ہوتا ہے۔

جلد کی خوبصورتی

لیموں پانی میں اینٹی آکسیڈنٹس کی بڑی مقدار موجود ہوتی ہے اور وٹامن سی کے امتزاج سے جلد روشن اور خوبصورت رہتی ہے۔ چہرے پر جھریوں اور جھائیوں کا خاتمہ بھی لیموں پانی سے ممکن ہے۔ پھر سب سے بڑھ کر ہائیڈریشن جلد کی خوبصورتی کی ضمانت ہے۔

گردوں کو پتھری سے بچائے

لیموں میں سٹرک ایسڈ سے بولی نظام بہتر رہتا ہے۔ لیموں پانی گردوں کی پتھری کو دوبارہ بننے سے روکتا ہے۔

چچا چھکن

کیا آپ کو معلوم ہے؟

“چچا چھکن” ایک ناقابل فراموش مزاحیہ کردار ہے جو ہمارے اجتماعی شعور کا حصہ بن چکا ہے۔ اس اہم کردار کے خالق سید امتیاز علی تاج ہیں۔ ہوا یوں کہ انگریز مصنف جیروم کے جیروم کے ناول “Three Men In A Boat” میں ایک مقام پر ''انکل پوڈگر'' کے تصویر ٹانکنے کا تذکرہ ظریفانہ انداز میں ہے۔ ۱۹۲۶ میں ''نیرنگ خیال'' کے مدیر نے امتیاز علی تاج سے فرمائش کی کہ وہ ان کے عید نمبر کے لئے اس منظر کا ترجمہ اردو میں کریں. امتیاز علی تاج نے بجائے ترجمہ کرنے کے انگریزی منظر سامنے رکھ کر اسے از سر نو اردو میں لکھ ڈالا، اور انکل پوڈگر کو اردو میں ''چچا چھکن'' کے نام سے موسوم کیا۔ اردو والوں کو یہ مضمون نیا اور دلچسپ معلوم ہوا، چنانچہ اسی قسم کے دوسرے مضامین لکھنے کی فرمائش ہونے لگی۔ اس طرح ''چچا چھکن'' کے مرکزی کردار کو سامنے رکھ کر تقریباً دس مضامین وجود میں آ گئے، جن میں چچا چھکن کی اندرون خانہ زندگی کے بعض پہلوؤں کا پر مزاح تذکرہ ہے۔ خیال رہے کہ اسی کردار کو سامنے رکھ کر پچھلے دنوں دانش اقبال صاحب نے ایک بہترین مزاحیہ ڈرامہ ''چچا چھکن'' ترتیب دیا جو کامیابی سے کئی بار اسٹیج کیا گیا۔

لانگ ہینڈل بیلن کا بھرپور استعمال

ایک زمانہ تھا کہ صبیح بھائی کرکٹ کے شیدائی اور دیوانے ہوا کرتے تھے ۔ ۔ ۔

پھر ایک روز ایک ایسا سانحہ ہوا کہ صبیح بھائی کرکٹ سے ایسے دور ہوگئے جیسے ٹرین روانہ ہوتے ہی پلیٹ فارم سے دور ہوجاتی ہے ۔ ۔ ۔ ۔

ہوا یوں کہ کرکٹ ورلذ کپ جاری تھا اور صبیح بھائی سارے گھر میں کرکٹ کی مالا جپتے پھر رہے تھے ۔ ۔ ۔

بیگم: "دن رات کرکٹ، کرکٹ۔ ۔ ۔ میں تنگ آگئی ہوں ۔ ۔ ۔ میں گھر چھوڑ کر جارہی ہوں "۔ ۔ ۔

صبیح :" (خوشی میں کمنٹری کے انداز میں بولے) پہلی بار قدموں کا بہترین استعمال "۔ ۔ ۔

بیگم: "(غصہ میں )اور ساتھ ہی لانگ ہینڈل بیلن کا بھرپور استعمال "۔ ۔ ۔ ۔

پھر اُس کے بعد (صبیح بھائی کے) چراغوں میں روشنی نہ رہی ۔ ۔ ۔

تو بس جناب ! اُس دن سے صبیح بھائی کرکٹ سے ایسے دور ہوئے کہ جیسے ٹرین روانہ ہوتے ہی پلیٹ فارم سے دور ہوجاتی ہے ۔ ۔ ۔

رزق کے دروازے 7

رزق کے دروازے 6

محبوب عمل

💖💘💞 درسِ حدیث 💞💘💖

*محبوب عمل*

رسول اللہ صلی اللہ علیہ وسلم نے فرمایا:
*أَحَبُّ اْلأَعْمَالِ أِلیَ اللہِ أَدْوَمُھَا وَاِنْ قَلَّ*
اللہ کے نزدیک سب عملوں میں وہ زیادہ محبوب ہے جو دائمی ہو اگر چہ تھوڑا ہو.( متفق علیہ)

لائک کریں اور سبسکرائب کریں اور اپنے احباب کو بھی دعوت دیں، بٹن دباکے۔

تم اپنے آپ کو قتل کرو

╏╠═🕌═[𝍖🕋𝍖 درسِ قرآن 𝍖🕋𝍖] 🌹 🌹  🌹

سورہ النسآء آیت نمبر 60

بِسۡمِ اللّٰہِ الرَّحۡمٰنِ الرَّحِیۡمِ
*شروع اللہ کے نام سے جو سب پر مہربان ہے، بہت مہربان ہے*

سورہ النسآء آیت نمبر 66
وَ لَوۡ اَنَّا کَتَبۡنَا عَلَیۡہِمۡ اَنِ اقۡتُلُوۡۤا اَنۡفُسَکُمۡ اَوِ اخۡرُجُوۡا مِنۡ دِیَارِکُمۡ مَّا فَعَلُوۡہُ اِلَّا قَلِیۡلٌ مِّنۡہُمۡ ؕ وَ لَوۡ اَنَّہُمۡ فَعَلُوۡا مَا یُوۡعَظُوۡنَ بِہٖ لَکَانَ خَیۡرًا لَّہُمۡ وَ اَشَدَّ تَثۡبِیۡتًا ﴿ۙ۶۶﴾
ترجمہ:
اور اگر ہم ان کے لیے یہ فرض قرار دے دیتے کہ تم اپنے آپ کو قتل کرو یا اپنے گھروں سے نکل جاؤ تو ان میں سے تھوڑے سے لوگوں کے سوا کوئی اس پر عمل نہ کرتا۔ اور جس بات کی انہیں نصیحت کی جارہی ہے اگر یہ لوگ اس پر عمل کرلیتے تو ان کے حق میں کہیں بہتر ہوتا، اور ان میں خوب ثابت قدمی پیدا کردیتا۔ (٤٤)
تفسیر:
44: مطلب یہ ہے کہ بنی اسرائیل کو تو بڑے سخت قسم کے احکام دئے گئے تھے جن میں توبہ کے طور پر ایک دوسرے کو قتل کرنا بھی شامل تھا، جس کا ذکر سورة بقرہ (٥٤) میں آیا ہے، اب اگر کوئی ایسا سخت حکم دیا جاتا تو ان میں سے کوئی بھی عمل نہ کرتا، اب اس سے بہت آسان حکم یہ دیا جارہا ہے کہ آنحضرت (صلی اللہ علیہ وآلہ وسلم) کے احکام کو دل وجان سے تسلیم کرلو، لہذا عافیت کا راستہ یہی ہے کہ وہ آپ (صلی اللہ علیہ وآلہ وسلم) کے صحیح معنی میں فرماں برادار بن جائیں۔ بعض روایات میں ہے کہ کچھ یہودیوں نے شیخی بھی بگھاری تھی کہ ہم تو ایسی فرماں برادار قوم ہیں کہ جب ہمارے آباؤ اجداد کو یہ حکم ہوا کہ وہ ایک دوسرے کو قتل کریں تو انہوں نے اس جیسے سخت حکم پر عمل کرنے سے بھی دریغ نہیں کیا، : ٦٦ ان کی اس بات کی طرف بھی اشارہ کر رہی ہے۔
آسان ترجمۂ قرآن مفتی محمد تقی عثمانی

لائک کریں اور سبسکرائب کریں اور اپنے احباب کو بھی دعوت دیں، بٹن دباکے۔

کتنی بھیڑیں بچیں گی؟

اس طرح رہبر نے لوٹا کارواں

کچھ لوگ فرشتوں جیسے ہوتے ہیں

دار چینی

وہ یقیناً کامیاب ہوگیا

قبر میں اُترنے کا تصور۔ ۔ ۔

رزق کے دروازے 5

ناسا کی انٹرنیٹ کی رفتار

ناسا کی انٹرنیٹ کی رفتار 91 جی بی فی سیکنڈ ہے۔

گھریلو انٹرنیٹ کی اوسط رفتار تقریباً 25 MB فی سیکنڈ ہے، جو عام طور پر اتنی تیز ہوتی ہے کہ بغیر بفر ٹائم کے Netflix کو دیکھا جا سکے۔

اور آئیے اس حقیقت کا سامنا کریں؛ اگر کوئی ایسی ٹیک کمپنی ہے جو حقیقت میں اپنی انٹرنیٹ کی رفتار کا اچھا استعمال کرے گی، تو وہ ناسا ہے۔

مسلمان کے حقوق

💖💘💞 درسِ حدیث 💞💘💖
*مسلمان کے حقوق*

رسول اللہ صلی اللہ علیہ وسلم نے فرمایا:
*حَقُّ الْمُسْلِمِ عَلَی الْمُسْلِمِ خَمْسٌ:رَدُّ السَّلَامِ وَعِیَادَةُ الْمَرِيْضِ وَ اِتّبَاعُ الْجَنَائِزِ وَاِجَابَةُ الدَّعْوَةِ وَتَشْمِیْتُ الْعَاطِسِ*
مسلمان کے مسلمان پر پانچ حق ہیں:
1۔سلام کا جواب دینا
2۔مریض کی عیادت کرنا
3۔جنازہ میں شرکت کرنا
4۔اس کی دعوت قبول کرنا
5۔چھینک کا جواب دینا (یعنی "یرحمک اللہ) کہنا۔( متفق علیہ)

لائک کریں اور سبسکرائب کریں اور اپنے احباب کو بھی دعوت دیں، بٹن دباکے۔

کیا تم نے ان لوگوں کو نہیں دیکھا

🌙🌙 درس قرآن 🌙🌙

سورہ النسآء آیت نمبر 60

بِسۡمِ اللّٰہِ الرَّحۡمٰنِ الرَّحِیۡمِ

*شروع اللہ کے نام سے جو سب پر مہربان ہے، بہت مہربان ہے*

اَلَمۡ تَرَ اِلَی الَّذِیۡنَ یَزۡعُمُوۡنَ اَنَّہُمۡ اٰمَنُوۡا بِمَاۤ اُنۡزِلَ اِلَیۡکَ وَ مَاۤ اُنۡزِلَ مِنۡ قَبۡلِکَ یُرِیۡدُوۡنَ اَنۡ یَّتَحَاکَمُوۡۤا اِلَی الطَّاغُوۡتِ وَ قَدۡ اُمِرُوۡۤا اَنۡ یَّکۡفُرُوۡا بِہٖ ؕ وَ یُرِیۡدُ الشَّیۡطٰنُ اَنۡ یُّضِلَّہُمۡ ضَلٰلًۢا بَعِیۡدًا ﴿۶۰﴾

ترجمہ:

اے پیغمبر کیا تم نے ان لوگوں کو نہیں دیکھا جو دعوی یہ کرتے ہیں کہ وہ اس کلام پر بھی ایمان لے آئے ہیں جو تم پر نازل کیا گیا ہے اور اس پر بھی جو تم سے پہلے نازل کیا گیا تھا، (لیکن) ان کی حالت یہ ہے کہ وہ اپنا مقصد فیصلے کے لیے طاغوت کے پاس لے جانا چاہتے ہیں ؟ (٤٢) حالانکہ ان کو حکم یہ گیا تھا کہ وہ اس کا کھل کر انکار کریں۔ اور شیطان چاہتا ہے کہ انہیں بھٹکا کر پرلے درجے کی گمراہی میں مبتلا کردے۔

تفسیر:

42: یہاں سے ان منافقوں کا ذکر ہورہا ہے جو اصل دل سے تو یہودی تھے مگر مسلمانوں کو دکھانے کے لئے اپنے آپ کو مسلمان ظاہر کرتے تھے، ان کا حال یہ تھا کہ جس معاملے میں ان کی توقع ہوتی کہ آنحضرت (صلی اللہ علیہ وآلہ وسلم) ان کے فائدے کا فیصلہ کریں گے ان کا مقدمہ تو آپ کے پاس لے جاتے ؛ لیکن جس مسئلے میں ان کو خیال ہوتا کہ آنحضرت (صلی اللہ علیہ وآلہ وسلم) کا فیصلہ ان کے خلاف ہوگا وہ مقدمہ آپ کے بجائے کسی یہودی سردار کے پاس لے جاتے، جسے اس آیت میں طاغوت کہا گیا ہے، منافقین کی طرف سے ایسے کئی واقعات پیش آئے تھے جو متعدد روایات میں منقول ہیں، طاغوت کے لفظی معنی ہیں نہایت سرکش ؛ لیکن یہ لفظ شیطان کے لئے بھی استعمال ہوتا ہے اور ہر باطل کے لئے بھی، یہاں اس سے مراد وہ حاکم ہے جو اللہ اور اس کے رسول کے احکام سے بےنیاز ہو کر یا ان کے خلاف فیصلہ کرے، آیت نے واضح کردیا کہ اگر کوئی شخص زبان سے مسلمان ہونے کا دعوی کرے ؛ لیکن اللہ اور اس کے رسول کے احکام پر کسی اور قانون کو ترجیح دے تو وہ مسلمان نہیں رہ سکتا۔

آسان ترجمۂ قرآن مفتی محمد تقی عثمانی

مردوں کے لیے وعید

💖💘💞 درسِ حدیث 💞💘💖

*مردوں کے لیے وعید*

رسول اللہ صلی اللہ علیہ وسلم نے فرمایا:

*مَا اَسْفَلَ مِنَ الْکَعْبَیْنِ مِنَ الْاِزَارِ فِی النَّارِ*

ٹخنوں کا جو حصہ پائجامہ کے نیچے رہے گا وہ جھنم میں جائیگا.

(متفق علیہ)

لائک کریں اور سبسکرائب کریں اور اپنے احباب کو بھی دعوت دیں، بٹن دباکے۔

https://is.gd/mian231027

https://alkamunia.blogspot.com

یہی طریقہ بہترین ہے

🌙🌙 درس قرآن 🌙🌙

سورہ النسآء آیت نمبر 59

بِسۡمِ اللّٰہِ الرَّحۡمٰنِ الرَّحِیۡمِ

*شروع اللہ کے نام سے جو سب پر مہربان ہے، بہت مہربان ہے*

یٰۤاَیُّہَا الَّذِیۡنَ اٰمَنُوۡۤا اَطِیۡعُوا اللّٰہَ وَ اَطِیۡعُوا الرَّسُوۡلَ وَ اُولِی الۡاَمۡرِ مِنۡکُمۡ ۚ فَاِنۡ تَنَازَعۡتُمۡ فِیۡ شَیۡءٍ فَرُدُّوۡہُ اِلَی اللّٰہِ وَ الرَّسُوۡلِ اِنۡ کُنۡتُمۡ تُؤۡمِنُوۡنَ بِاللّٰہِ وَ الۡیَوۡمِ الۡاٰخِرِ ؕ ذٰلِکَ خَیۡرٌ وَّ اَحۡسَنُ تَاۡوِیۡلًا ﴿٪۵۹﴾

ترجمہ:

اے ایمان والو ! اللہ کی اطاعت کرو اور اس کے رسول کی بھی اطاعت کرو اور تم میں سے جو لوگ صاحب اختیار ہوں ان کی بھی۔ (٤١) پھر اگر تمہارے درمیان کسی چیز میں اختلاف ہوجائے تو اگر واقعی تم اللہ اور یوم آخرت پر ایمان رکھتے ہو تو اسے اللہ اور رسول کے حوالے کردو۔ یہی طریقہ بہترین ہے اور اس کا انجام بھی سب سے بہتر ہے۔

تفسیر:

41: أُولِي الْأَمْرِ : سے مراد اکثر مفسرین کے مطابق مسلمان حکمران ہیں، جائز امور میں ان کے احکام کی اطاعت بھی مسلمانوں کا فرض ہے، البتہ یہ اطاعت اس شرط کے ساتھ ہے کہ وہ کسی ایسی بات کا حکم نہ دیں جو شرعاً نا جائز ہو، اس بات کو قرآن کریم نے دو طرح واضح فرمایا ہے، ایک تو اس طرح کے اصحاب اختیار کی اطاعت کا ذکر اللہ اور اس کے رسول کی اطاعت کے بعد فرمایا ہے، جس میں یہ اشارہ ہوگیا کہ حکمرانوں کی اطاعت اللہ اور اس کے رسول کی اطاعت کے تابع ہے، دوسرے اگلے جملے میں مزید صراحت کے ساتھ بتادیا کہ اگر کسی معاملہ میں یہ اختلاف پیدا ہوجائے کہ آیا حکمرانوں کا دیا ہوا حکم صحیح اور قابل اطاعت ہے یا نہیں، تو اسے اللہ اور اس کے رسول کے حوالے کردو، جس کا مطلب یہ ہے کہ اس حکم کو قرآن اور سنت کی کسوٹی پر پرکھ کر دیکھو، اگر وہ قرآن وسنت کے خلاف ہو تو اس کی اطاعت واجب نہیں ہے اور حکمرانوں کا فرض ہے کہ وہ ایسا حکم واپس لیں اور اگر وہ حکم قرآن وسنت کے کسی صریح یا اجماعی طو رپر مسلم حکم کے خلاف نہیں ہے تو عام مسلمانوں کا فرض ہے کہ اس پر عمل کریں۔

آسان ترجمۂ قرآن مفتی محمد تقی عثمانی

لائک کریں اور سبسکرائب کریں اور اپنے احباب کو بھی دعوت دیں، بٹن دباکے۔

https://is.gd/mian231027

رزق کے دروازے : 4

یومِ جمعـــہ کے مختصــر اہم کام احــادیثِ مبارکہ کی روشنی میں

*🌹فضیلت یومِ جمعــہ:* سب سے بہترین دن جب سورج طلوع ہوتا ہے *جــــمعہ* کا دن ہے

📚(صحیح مسلم: ٨٥٤)

*① جمعـــہ کے دن فجـــر کی فرض نماز میں "سورہ سجــدہ" اور اس "سورہ دھــر" کی تلاوت کرنا*

📚(صحیح مسلم: ٨٨٠)

*② مســــــواک کرنا*

📚 (صحیح البخاری-٨٨٠)

*③ مرد کا خـود بھی غســــــل کرنا اور بیـوی کو بھی غسـل کی تاکیـد کرنا*

📚 (جامع الترمذی:٤٩٦ -حسن)

*④ صاف ستھرے کپــــڑے پہننا*

📚 (سنن ابوداؤد: ٣٤٧)

*⑤ خــــوشبو لگانا اور بالوں میں تیــل لگانا*

📚(صحیح البخاري: ٨٨٣)

*⑥ جــمعہ کے لئے پیدل چل کر جانا*

📚(سنن ابوداؤد :٣٤٥)

*⑦ جمعـہ کے لئے امام سے پہلے مسجــد میں حاضـر رہنا*

📚 (سنن ابوداؤد: ٣٤٥)

*⑧ مسجــد میں داخل ہوتے ہی دو رکعت نفل(تحیة المسجد) ادا کرنا*

📚(صحیح البخاری: ١١٦٧)

*⑨ خـطیب( امام)کے قریب بیٹھنا*

📚 (سنن ابوداؤد: ٣٤٥)

*⑩ مقتدیوں کا خطبہ جمعہ غور سے اور خاموشی کے ساتھ سے سننا*

📚 (سنن ابوداؤد: ٣٤٥)

*⑪ دوران خطبہ فضول باتیـں اور فضول کام قطعاً نہ کرنا*

📚 (سنن ابوداؤد: ٣٤٥)

*⑫ امــام کا نمازِ جمعہ میں "سورہ اعلیٰ اور سورہ غاشیہ" یا "سورہ جمعہ و سورہ منافقون" کی تـلاوت کرنا*

📚(صحیح مسلم: ٨٧٨- ٨٧٩

*⑬ جـمعہ کے بعد مسجد میں ہی 6 یا 4 رکعت سنت ادا کرنا اور اگر گھر میں ادا کرنا چاہیں تو صرف 2 رکعت پڑھنا*

📚(سنن ابی داود: ١١٣٠)

*⑭ کثـرت سے درود ابراہیمی پڑھنا*

📚(صحیح مسلم : ٩١٢)

*⑭ سورة الکہف کی تلاوت کرنا*

📚(صحیح الجامع-٦٤٧٠)

*⑮ جـمعہ کے دن صدقــــہ کا اہتمام کرنا*

📚(منصف عبدالرزاق:٥٥٥٨)

*⑯جمعـــہ ادا کرنے کے بعد قیلولہ کرنا پھر کھانا کھانا*

📚(مسند احمد: ٢٧٣٣)

قصہ ایک سائنسدان کا جو شاعر بن کر ڈاکا مارنے نکلا

درسگاہ ٹیم ممبر اُسامہ ضیا بسمل گھر سے نکلا سائنسدان بننے تھا،لیکن حالات و خیالات میں تبدیلی و تغیر کی وجہ سے شاعر بن گیا۔ ۔ ۔

🙆‍♂️🙆‍♂️🙆‍♂️🙆‍♂️

دورانِ شاعری ایک بار حالات کچھ زیادہ ہی تنگ ہوگئے تو اِس نے بنک میں ڈاکا مارنے کا پروگرام بنایا ۔ ۔ ۔

🏦🏦🏦🏦

نایاب علی کو اپنے پروگرام میں شامل کیا اور ایک روز تیار ہوکر اسکوٹر پر سوار ہوکر دونوں بنک پہنچ گئے ۔ ۔ ۔

رسول اللہ صلی اللہ علیہ وسلم نے فرمایا:

*اَلْمُسْلِمُ مَنْ سَلِمَ الْمُسْلِمُوْنَ مِنْ لِّسَانِہٖ وَیَدِہٖ*

مسلمان تو وہی ہے جس کی زبان اور ہاتھ کی ایذا سے مسلمان محفوظ رہیں.

(متفق علیہ)

لائک کریں اور سبسکرائب کریں اور اپنے احباب کو بھی دعوت دیں، بٹن دباکے۔

https://is.gd/itdg_mian231027

Breaking News

Labels

Layout

Technology

MKRdezign

رابطہ فارم