Top Ad unit 728 × 90

✨📰 خاص مضامین 📰🏅

random

محبت سے وقار زندگی ہے



محبت سے وقار زندگی ہے 
یہی تو اعتبار زندگی ہے 

وہی ہوتا ہے جو وہ چاہتے ہیں 
انہی پر انحصار زندگی ہے 

محبت سے کوئی جب مسکرا دے 
تو ہر لمحہ بہار زندگی ہے 

کسی کی یاد تنہائی کا عالم 
جدا سب سے شعار زندگی ہے 

ہنسی کے ساتھ بھیگ اٹھتی ہیں پلکیں 
غم بے اختیار زندگی ہے 

تمہارے قرب کی معراج پا کر 
یہ دل مست خمار زندگی ہے 

کسی سے کیا کہیں کیا ہے محبت 
یہی تو راز دار زندگی ہے 

کبھی راحت کبھی غم حرز جاں ہے 
وفاؔ یہ کار زار زندگی ہے 

شاعرہ: امۃ الحئی وفا
محبت سے وقار زندگی ہے Reviewed by Mian Muhammad Shahid Sharif on اکتوبر 23, 2020 Rating: 5

کوئی تبصرے نہیں:

رابطہ فارم

نام

ای میل *

پیغام *

تقویت یافتہ بذریعہ Blogger.