یہ خاموشی مرے کمرے میں کس آواز کی ہے
یہ خاموشی مرے کمرے میں کس آواز کی ہے
کہیں یوں تو نہیں تو بات کرنا چاہتی ہے
وہ کیا شے ہے جسے میں ڈھونڈتا ہوں خود سے باہر
یہیں گھر میں کوئی اک شے بھلا رکھی ہوئی ہے
میں تنہائی کو اپنا ہم سفر کیا مان بیٹھا
مجھے لگتا ہے میرے ساتھ دنیا چل رہی ہے
کبھی دیوار لگتی ہے مجھے یہ ساری وسعت
کبھی دیکھوں اسی دیوار میں کھڑکی کھلی ہے
اترتے جا رہے ہیں رنگ دیواروں سے ثانی
یہ پرچھائیں سی کیا شے ہے جو ان پر رینگتی ہے
شاعر: مہندر کمار ثانی
میاں محمد شاہد شریف
الکمونیا بلاگ – علم، تحقیق، آئی ٹی اور ویڈیو ٹریننگ کا مرکز الکمونیا بلاگ ایک جامع علمی و تحقیقی پلیٹ فارم ہے جہاں آپ کو اسلامی مضامین، قرآنی موضوعات، احادیث کی تشریحات، تاریخِ اسلام، شخصیات پر تحقیقی مقالات، ادب اور فلسفہ جیسے موضوعات کے ساتھ ساتھ آئی ٹی، کمپیوٹر سائنس، ڈیجیٹل ٹولز اور پروفیشنل اسکلز پر مبنی مواد بھی دستیاب ہے۔ مزید برآں، یہاں آپ کو ویڈیو ٹریننگز اور آن لائن لرننگ کورسز بھی ملتے ہیں جو جدید دور کے تقاضوں کے مطابق آپ کی صلاحیتوں کو نکھارتے ہیں۔
کوئی تبصرے نہیں: