Top Ad unit 728 × 90

✨📰 خاص مضامین 📰🏅

random

آوے گی میری قبر سے آواز میرے بعد


 آوے گی میری قبر سے آواز میرے بعد 

ابھریں گے عشق دل سے ترے راز میرے بعد 

جینا مرا تو تجھ کو غنیمت ہے نا سمجھ 
کھینچے گا کون پھر یہ ترے ناز میرے بعد 

شمع مزار اور یہ سوز جگر مرا 
ہر شب کریں گے زندگی ناساز میرے بعد 

حسرت ہے اس کے دیکھنے کی دل میں بے قیاس 
اغلب کہ میری آنکھیں رہیں باز میرے بعد 

کرتا ہوں میں جو نالے سرانجام باغ میں 
منہ دیکھو پھر کریں گے ہم آواز میرے بعد 

بن گل موا ہی میں تو پہ تو جا کے لوٹیو 
صحن چمن میں اے پر پرواز میرے بعد 

بیٹھا ہوں میرؔ مرنے کو اپنے میں مستعد 
پیدا نہ ہوں گے مجھ سے بھی جانباز میرے بعد 

شاعر: میر تقی میر
آوے گی میری قبر سے آواز میرے بعد Reviewed by Mian Muhammad Shahid Sharif on جون 10, 2024 Rating: 5

کوئی تبصرے نہیں:

رابطہ فارم

نام

ای میل *

پیغام *

تقویت یافتہ بذریعہ Blogger.