شب کے پر ہول مناظر سے بچا لے مجھ کو
شب کے پر ہول مناظر سے بچا لے مجھ کو
میں تری نیند ہوں آنکھوں میں چھپا لے مجھ کو
میں تری راہ مشیت کا ہوں ذرہ لیکن
ڈھونڈھنے والا ستاروں میں کھنگالے مجھ کو
خوف آنکھوں میں مری دیکھ کے چنگاری کا
کر دیا رات نے سورج کے حوالے مجھ کو
میں مصور ہوں برے وقت کی تصویروں کا
راس آتے ہیں یہ دیوار کے جالے مجھ کو
عمر بھر جس کے لئے پیٹ سے باندھے پتھر
اب وہ گن گن کے کھلاتا ہے نوالے مجھ کو
بیڑیاں ڈال کے پرچھائیں کی پیروں میں مرے
قید رکھتے ہیں اندھیروں میں اجالے مجھ کو
تیرے ہاتھوں کا تراشا ہوا پتھر ہوں سلیمؔ
آئینہ ہو گئے سب دیکھنے والے مجھ کو
کلام: سلیم صدیقی
شب کے پر ہول مناظر سے بچا لے مجھ کو
Reviewed by میاں محمد شاہد شریف
on
جنوری 10, 2025
Rating:
Reviewed by میاں محمد شاہد شریف
on
جنوری 10, 2025
Rating:
میاں محمد شاہد شریف
الکمونیا بلاگ – علم، تحقیق، آئی ٹی اور ویڈیو ٹریننگ کا مرکز الکمونیا بلاگ ایک جامع علمی و تحقیقی پلیٹ فارم ہے جہاں آپ کو اسلامی مضامین، قرآنی موضوعات، احادیث کی تشریحات، تاریخِ اسلام، شخصیات پر تحقیقی مقالات، ادب اور فلسفہ جیسے موضوعات کے ساتھ ساتھ آئی ٹی، کمپیوٹر سائنس، ڈیجیٹل ٹولز اور پروفیشنل اسکلز پر مبنی مواد بھی دستیاب ہے۔ مزید برآں، یہاں آپ کو ویڈیو ٹریننگز اور آن لائن لرننگ کورسز بھی ملتے ہیں جو جدید دور کے تقاضوں کے مطابق آپ کی صلاحیتوں کو نکھارتے ہیں۔
کوئی تبصرے نہیں: