Top Ad unit 728 × 90

✨📰 خاص مضامین 📰🏅

random

اے ارض فلسطین


 اے ارض فلسطین


افق  ہے خون ہے مہر مبیں کا  
گلا گھونٹا گیا    ہے    روشنی  کا 

گریبان شفق  پر    دست   ظلمت 
ستاروں کو اشارہ     خامشی  کا 

مگر  شاید     پرستاران    ظلمت 
مزاج نور  سے  واقف   نہیں ہیں 

شعاع طور سے واقف   نہیں ہیں 
وہ دیکھو ظلمت شب کے  مقابل 

نقیب  نور   بن  کر   کوئی   تنہا 
اندھیرےکے سمندر میں  کھڑا ہے 

فلک  پر   ایک  روشن   دائرہ ہے 
ہزاروں   ٹمٹماتے   ہیں    ستارے

کہو  مہتاب  سے  ہمت  نہ ہارے
اگرچہ جبر کی پر چھائیاں  ہیں 

شمیم گلشن جاں کی مہک  سے 
حریم نور  میں   انگڑائیاں   ہیں 

چراغ عشق بےخوف و خطر  ہے 
ہوا پر دختر  شب  کی  نظر   ہے 

مگر  اک  چاند  اپنی  راہ پر  ہے 
سو اے روشن جبینو  یاد رکھو 

اندھیروں سے بغاوت کرنے والو
سحر  کا  عزم  زندہ  باد  رکھو 

امیدوں  کے   نگر    آباد   رکھو 
یہ  ظلمت  کا  بھرم تاراج  ہوگا 

زمیں  پر  روشنی  کا راج  ہوگا 
گرے  گا  مسند  شاہی  پہ  گنبد 

اچھالے جائینگے یہ  تاج  سارے 
کہو  مہتاب  سے ہمت نہ  ہارے
اے ارض فلسطین Reviewed by میاں محمد شاہد شریف on جولائی 10, 2024 Rating: 5

کوئی تبصرے نہیں:

رابطہ فارم

نام

ای میل *

پیغام *

تقویت یافتہ بذریعہ Blogger.