Top Ad unit 728 × 90

✨📰 خاص مضامین 📰🏅

random
Random Banner

سخن کے چاک میں پنہاں تمہاری چاہت ہے


 سخن کے چاک میں پنہاں تمہاری چاہت ہے 

وگرنہ کوزہ گری کی کسے ضرورت ہے 

زمیں کے پاس کسی درد کا علاج نہیں 
زمین ہے کہ مرے عہد کی سیاست ہے 

یہ انتظار نہیں شمع ہے رفاقت کی 
اس انتظار سے تنہائی خوبصورت ہے 

میں کیسے وار دوں تجھ پر مرے ستارۂ شام 
یہ حرف خواب تو اک چاند کی امانت ہے 

میں خاک خواب پلک سے جھٹکنے والا تھا 
پتا چلا کہ یہی حاصل مسافت ہے 

یہ مستطیل سا خاکہ کہ جس کو گھر کہیے 
اسی کے دائرہ و در میں میری جنت ہے 

یہ خوشہ چینی خوان انیسؔ ہے ارشدؔ 
نمک نمط جو مرے شعر میں فصاحت ہے 

شاعر: ارشد عبد الحمید
سخن کے چاک میں پنہاں تمہاری چاہت ہے Reviewed by Mian Muhammad Shahid Sharif on مئی 27, 2024 Rating: 5

کوئی تبصرے نہیں:

رابطہ فارم

نام

ای میل *

پیغام *

تقویت یافتہ بذریعہ Blogger.