Top Ad unit 728 × 90

✨📰 خاص مضامین 📰🏅

random

جو اپنی خواہشوں میں تو نے کچھ کمی کر لی


 جو اپنی خواہشوں میں تو نے کچھ کمی کر لی 

تو پھر یہ جان کہ تو نے پیمبری کر لی 

تجھے میں زندگی اپنی سمجھ رہا تھا مگر 
ترے بغیر بسر میں نے زندگی کر لی 

پہنچ گیا ہوں میں منزل پہ گردش دوراں 
ٹھہر بھی جا کہ بہت تو نے رہبری کر لی 

جو میرے گاؤں کے کھیتوں میں بھوک اگنے لگی 
مرے کسانوں نے شہروں میں نوکری کر لی 

جو سچی بات تھی وہ میں نے برملا کہہ دی 
یوں اپنے دوستوں سے میں نے دشمنی کر لی 

مشینی عہد میں احساس زندگی بن کر 
دکھی دلوں کے لیے میں نے شاعری کر لی 

غریب شہر تو فاقے سے مر گیا عارفؔ 
امیر شہر نے ہیرے سے خودکشی کر لی

شاعر: عارف شفیق
جو اپنی خواہشوں میں تو نے کچھ کمی کر لی Reviewed by میاں محمد شاہد شریف on مئی 09, 2024 Rating: 5

کوئی تبصرے نہیں:

رابطہ فارم

نام

ای میل *

پیغام *

تقویت یافتہ بذریعہ Blogger.